’t Is rustig op de Gerner Marke in Dalfsen

gernem1aug1.jpg

Tekst en foto’s R.E.

DALFSEN – ’t Is stille op de Gerner Marke. I’j heurt d’r niks. Gien radio 538, gien pirat’nmuziek, gien klopbor’n, gien betonmixers, gien toor’nkraan’n, gien an- en afvoer. Helemaole niks. De bouw leg stille. ’t Is vakaansie. Alle bouwvakkers ligt an de Costa del sol of ergens aans waor ze zich nog broender laot bakk’n as al bint.

As ze tenminste niet thuus van de vrouw an ’t werk möt of an ’t beunhaz’n bint. De leste wêke ebt ze de bouwplaatse op’eruumt, de bouwstempels weg’ehaelt en ondertuss’n un mobiele steiger ‘eplaetst. Het betonwerk is klaor en nou mut ’t buut’nmetselwerk ‘edaon wörd’n en de kozien’n ‘eplaetst. Ondertuss’n is Van Dijk ok begönne’n met de bouw van 71 appartement’n in opdracht van Woonstichting Vechthorst an de Veldwachterstraote.

gernem1aug2.jpg

Dizze bint bestemd veur Philadelphia, RIBW en de rest veur iederene, die d’r mar wil won’n. De bouwhekk’n bint ‘eplaetst en de stroomkast’n en waterputt’n.Ok un veurlichtingsb”rd stietd’r al. Alleenig stiet die nie helemaol fijn. De tekening mut un halve slag dreeie’n aans kriege ie giet goed idee oe as ut giet wörd’n. ’t Is trouwens een apart ontwerp. Ut lek net of de architect gien enkele rekening ‘ehaoln hef met de omgeving. Waor de hele Gerner Marke mos voldoen an een beeldkwaliteitsplan, gebaseerd op het aanzien van Huize Gerner in jaoren 30 stijl, bouwt ze juust vlak veur Huize Gerner iets totaal anders met ronde vorm’n en dakpann’n tut an de grond. Ingezonden door R.E. (redactioneel ingekort)

Artikel delen: