Kump Mark , mien oldste zeune met dit tassie an - Foto: eigen geleverde foto
Foto: eigen geleverde foto

Kump Mark , mien oldste zeune met dit tassie an

OOSTERDALSEN – Kennie hum nog ? zeg uh. Joa natuurlijk mar det ding is a weh meer dan twintig joar old, zeg ik. Ik was ant opruumn, en kwaam teegn. Wej stundn op n beurs in Zwolle en toen gaavn wej ze vot, iene hek bewaard, zegt Mark.

 

Ik bun begun ietsie maar dan 30 joar geleejn en umdet ik noast holthandel Dolly van Echten woonn , heb ik toen veur gekheid een burd in de wei ezet met doarop: hier kump kwekerij Jopie.

Dus Jopie noast Dolly.

 

Det was duudlijk en ik merkn al snel dette mensn ut een hele leuke en makklijke name vundn en wied en zied konn ontholdn. Sprak ik een verteegnwoordiger uut Zeeland en zeide den keal , oh ja , ik weet het weer , uit Dalfsen hè?

De name lag makkelijk int gehoor dus bun dr met wieder egönne.

 

Eind joarn 90 hebbe wej dr Jopie’s Kwekerij van emak umdet ik toen ok een fruittuin op de Lichtmis dr bej ekocht hadde. Dat numen wej toen Jopie’s Fruittuin en dat klunk better, derde Jopie’s kwaamp op een groot bungalowpark woar wej 164 tuunties bej sommerhuusies mossen anleggn. Doar bunne wej vief joar actief ewest.

Det nummen wej toen Jopie’s Dependance.

 

We bunt in 2005 geleidelijk an estopt met kweekn. Door de benodigde schaalvergroting, woar ik gin zin in hadde, was kweekn niet rendabel genog en kump dr een moment van stoppen.

Plenties haaln wej van de veiling en verkoggen wej deur.

De grond die noe vrej kwaamp hebbn wej benut umme een fruuttune, viever, modeltuunties en een minigolfbane an te leggn. Met mien beide zeuns en ut personeel bunt wej tussen t aandere wark deur, twee joar bezig ewest met de anleg van 18 unieke holes.

 

Zo ontstond dr een bedrief veur een middaggie uut en as dan mensn bej mie kwaamn zeggn ze: Jopie’s Kwekerij en wat kweekt u zoal ?

Dan möss ik zeggn: sorry maar we kweken niks maar verkopen wel plantjes.

De name kloppn dus nie meer.

 

Vandaar sinds 2008 hiette wej Jopie’s Groene Wereld, een wereld woart gruun is en woar op gruungebied vanalles te zien is.

Dit in kontrast met de betonnen wereld um önz henn.

 

Groetn gruune Jopie

Artikel delen: