LEMELERVELD – Un oldere vrouwe die kats alllenig woont  op ut platte land hef  drie zeuns. Iene  van  die jongs is begravenisondernemer. Det soort luu hebt as bedrijfsauto un liekenauto.  As die zeune  toevallig in de buurte van zien moe  is met zien dienstauto en hij wul eem bij heur anwippen veur un kuppie koffie mut hij wel in de gaatn hem det de buurn van zien moe metiene gaot denkn detter wat an de hand is bie haar.

Deurum kanne better niet met zien dienstauto bie heur kom anzakn. Ok a vind moe ut machtig mooi det hij un keer bie heur op de koffie kump. Ut kan zomar gebeurn detter noe iniens allerlei buurn an de deure komt um te vernem weurum dur un liekenwaagn bie heur stiet. Dan krieg ze te heurn det allenig mar koffievolk is die met zien dienstauto isse kom. Noe kan moe meer koffie gon zetn deur al det angeloop. Dan hef de lieken auto toch nog nut en anders dan waore veur bedoeld is.

Ton