Krieg ik van mien personeel een deuze gebakkies umdet ik vandage joarig bunne. Mieters mooi gebaar en sie hebt er een mooie foto op loatn maakn met mien nieuwe outfit als direkteur diertune. Die jongs en deerns bunt dr ok erg druk met ewest, hekkn en hokkn maakn, burties en wegwiezers zettn. Dr is dr iene bej die de jonge biesies durft te voern, mar de meestn heb gin skik umme bej de jonge tijgers en leeuwn int hokke te goan.

Ik heb al veer anmeldingn op önze vacature op dalfsennet. Waarschijnlijk zit doar wel een paar goein tussn. De kommende wekkn mar is afspraakn maakn en kiekn wat dr tussn zit.

Mar eerst vandage mar es bettie feest viern en haandies geem, heb zelfs al 2 kleurn lippenstift op de wange.

Tja en die gebakkies vant personeel?
Ik bun van 24 meart 1961, um vief veur vief smiddags heb ik mien eerste schreeuw egeem. Jongs en deernties 1961 plus 58 is 2019 dus volgend joar wurd ik 58 en ik bun vandage 57 ewurdn.

Groetn joarige Jopie