LEMELERVELD – Iemand had un bult esnoeit. Langs de tuun en ok an de achterkante. Met un versnipperaar durbie en dan koj die pruttel mooi wegkriegn. Noe wast geval dei over de grond van de buurman mossen umme die versnipperaar dur bie te kriegn. Twas grusland en twas aorig sompig. Umdet de versnipperaar nogal wat weug bleve a gauw stekn en wolle niet wieder.

Det heult noe in dei met ut snoeiholt un pokke ende mossen slepn umme bie de versnipperaar te komn die noe bienao veur an stond. Iemand dacht slim te ween en pakn un kruuwaagn durbie, waore ut snoeiholt dan oplaadn. Zo hoemde niet zien krachten niet te verspiln ant ut beurn en skepn van det snoeiholt. Hij kruuinde volle laadn mee nor de versnipperaar. Umdet ut zeike nat was wol det kruun niet al te best, ok nie umdet de band van deze kruuwaagn nog mar half vol was. Hij kon de band niet oppompn en zag det veurwaarts kruun niet wol. Dus dan mar achterwaarts en det wol dan wel. Hij had ok nog hulpe, mar die haan gien kruuwaagn en mossn steeds met un arm vol ant slepn. Umdei ok nog un heel ende mosn slepn koj daor onmeunig muu van wurn. Iene van de hulpe zei a detter morn weer un dag was umme met ut skepn wieder te gaon. Mar ja ff goed deurloopn en kruun dan kwaam ie aorig verre. De dag daornao nog un kleun kliekie umme de boel aof te maakn.

Ton