DALFSEN – Dizze weke bint d’r iezervlechters op de Gerner Marke bi’j de woontor’n bezig ewest. Zi’j hebt twee vrachtwaagns vol iezer verwerkt in wat de vloere van de garagekelder möt wurden. Een machtige bult iezer ai det zo bi’j mekaere ziet ligg’n.
Groewelik dikke stav’n iezer hebt ze eerst ond’rin de fundatieputt’n emaekt en daor anvaste twee laogen draodstaalmatt’n met daortuss’n v-vormige stukk’n om de boel van mekaere te hold’n.
Daoerno hebt alles met zes man met drögis an mekaer eknupt.
Volgende weke gaot ze beton störten.
Een beste bonke. Rek’n mar uut een cirkel van zo’n 27 m en dan 25 cm dikke met daeronder grote fundatieputt’n van minstens een halve meter diepe
.
Ik bin beniejd hoevölle mixers vol det wel bint. Ingezonden door R. E.