Bouwen aan de woontoren in de Gerner Marke.

DALFSEN – Afgelopen wék’n hebt ze driftig deur’ewerkt an de woontor’n in de Gerner Marke.

marke8apr1.jpg

 

Eerst hebt ze de fundering van de buutenmuure op’emetselt met kalkzaandsteenblokk’n tut an ut maaiveldnivo.

 

Daornao hef Pekkeriet et zaand weer an’evuld.

 

marke8apr2.jpg

Toen de kraene d’r dichter bi’j kon staon hebt ze debreedplaatvloer’n van de beganegrondvloere elegd, nadet ze de hele kelder vol met dreeistempels ezet hebt om de boel te stutt’n.

 

marke8apr3.jpg

De iezervlechters bint terug’ekommen’n om de vloere vast te knupp’n an de bewapening in de wand’n zodet alles strak an mekaere kump te zitt’n.

 

marke8apr4.jpg

Mar eerst bint de installateurs van Voss en Kool d’r ewest om alles vol buiz’n te gooi’n. Rooie veur warm water, blauwe veur kold water, gele veur gas en dikke griezen veur afvalwater van keuken, badkamer en wc’s.

marke8apr5.jpg

(ingezonden door Gerner Marke verslaggever R.E.)

Artikel delen: