WELSUM – In de naomiddag effen bie Jopie in zien gruune wereld op veziete e west. Hij had een spechten nust in de bos zitten , en kon et mormel niet op de foto kriegen. Noe kump e vanzelf wel voeren dus gewoon ofwachten, en det lukken! .
Hebbe ok nog effen kennis emaakt met Joop zien ezel “Pierik “ die heffe op zien verjoardag e kregen. Kwamen zelfs nog een dassen burcht tegen.
Weer in de kas wees Joop mie een merelnust an met 4 jonkies,en ma kwam net voeren. Dus de camera mar weer uut de tasse. Ik mut zondermeer zeggen Jopie hef een mooi stukkie natuur doar achter t huus Hier weer een mooi berichtie uut de Gruune Wereld van Jopie .
Zoaterdagoamp fietsn ik rond op mien erf en heurn ik wat gepiep in de bos . Ik denk “zit deur een gewond veugeltie of zo ”
Ik leupe de bos een endie in en tot mien stomme verbazing kwam det gepiep uut een leemdige berk woar een specht een gat in ebikt hef . Joa joa de specht hef jonkies .
Nog effen verder rond e lopen en warachtig door leup een ree,wel gien zwarte mar toch
Zelfs “vage” witte knienen lopen daar rond
groetn gruune geval uut Welsum