DALFSEN – De ofgeloop’n wêk’n bint ze stug deur ‘egaon met ut bouw’n an de woontoor’n in de Gerner Marke. Zi’j ebt derde woonlaoge op’emetselt en de derde buut’nraand op’ezet. Daornao ebt ze  d’r breedvloerplaat’n opétakelt, wat straks ut dak mut wurd’n. Nou is ze dus op hoogte. En woar ik nou zo bange veur waaze is nou gebeurd.

Ik was d’r un paar daag.n niet bi’j en nou stiet de boel hardstikke uut ut lood. Kiek mar is goed naor de foto’s. Ik vreze det wi’j d’r een toor’n van Pisa bi’j kriegt. Mar as ik ut goed begreep’n hebbe, gaot ze de spouw van onder’n gewoon iets breder maak’n en zie ie d’r as de buut’nmure d’r opstiet niks meer van. Nou ik hoppe det det good giet.