DALFSEN – Ofgelop’n wêke is de vlagge in top ‘egaon. De toor’n is op heugte. Zonder det de buurte ut ‘emerkt hef heb ze pannenbier ‘ehad. Mar det mâke wi’j wel weer goed as de boel klaor is.

Zi’j bint metene deur’egaon met de buut’nmuure op te metsel’n. ‘k heb mi’j altied al af’evraog’n hoe ze det doet, metsel’n langs un ronde draot of zo ?  Nou daor bin ik nou ok achter. Zi’j ebt eerst un malle ‘emaakt, die schroeft ze elke laoge an de profiel’n en daor legt ze de sten’n zo teg’nan. Heel makkelik eigenluk, iederene zol ut zo wel könn’n. 

Zo kuj de ronding mooi zien

Zo zug ut metselwerk d’r uut. ’t Is gien wildverbaand, ok geen halfsteens. Volgens mi’j dooet ze mar wat. De specie is direct op kleur ‘emaakt. Ze bösselt de voeg’n goed schoone, zodet ze later niet meer hoeft te voeg’n

Later in de wêke kreeg’n ze un ni’je malle van metaal, die kan wat langer met.

Zo hebbe ie een mooi beeld van ut rondmetsel’n.

Tekst en foto’s ingezonden door R.E.