groep uilenverteller
Met het pokkeweer disse zommer was het vortgoan ens noartoe soms wel meuluk. Toch waster in Omme bie het Laar wat te doen. Het hef al eerder op de site estaone en deurum isset aweer oltneejs. Wiele kwaam doar in de middag pas anzakken. Smens haddet al machtig eregnt.
De looppaden ston echtwoar kats vol met water. Wat van die kleine wichter von det wel cool en zaten der mooi int te speuln. Der was ok iemand waor alleman kon brood bakken, mar emdet het niet echt mooi weer was hadde nog een bulte brood in veurroad.
De beste man stond bienao de hele tied in die smerige rook van det kampvuur. De man had zien schoen ok onder de modder zitten, mar hij zei det hij straks bie huus gewoon de boel in de wasmachine zol stoppen en dan wasset zo opgelost met die smeerbende. Toen wiele derwaarn, was het gloepend hiete. En der leupn van die luu in van die middeleeuwse kleern machtig te zweetn, mar ach ja ie mun der wat veur ooverhem.
Wiele ston bie de oeln te kieken en toen kwam er de mededeling dat code rood was afgekondigt en det heult in det iederene de boel ging inpakken umdet er slecht weer op komst was en um ongelukken te veurkom was het better det iederene langzamerhand noar heus mos goan. Achteraf veul het met het weer toch mee, mar det weetie nie van te veurn. Met de wetenschap det bie pukkelpop in België der slachtoffers evaln bint deur het slechte weer kuj better de mensen waarschuwen dan ut der mar op te loaten ankomn. Der was van alles te bekieken en umdet ut noe eindeluk is dreuge was, han wiele toch een mooi daggie uut.
Met de fietse ziej veule meer dan wanneer ie in de auto zit. Noe gebeurn het oons det wiele met de auto en caravan wegwoln, want um de caravan achter de fietse an te knupn det leek mie niet zoon goed plan, want dan bej wel gauw muu van al det trappen met ut hele spul. Bovendien dut de verlichting ut ok niet assie tenminste gin electische fietse hebt. Mar wiele kreegn een gat in de remleiding van de auto en dus ging ut plan niet deur. Ach zag ik zoon mooie busse en det zol een mooi alternatief weesn, allenig muj doar weer zoon apart riebewies veur hem en det hebbik dus net niet. Toch in goed oaverleg met de autoboer kreegn wiele een vervangende auto en kon het plan alsnog deurgaon. Mar wiele bint dit jaor mar gewoon in de buurte bleem, want de kinder wult niet meer mee en um det spul alleen thuus te loaten leek oons gin goed plan. De kans det ze de boel gigantisch op de kop zet is wel degeluk anwezig, dus blieft wiele noe mar in de buurte rondhang. Zo ie hebt kun leesn hoe mie die zommer is bevaln.
De groeten Ton Schrijver