Plaats’n van de dakraand an de woontoorn in de Gerner Marke

De dakraand. Ideaal veur zwaluw’n

DALFSEN – Dizze weke is ut un drukte van belang bi’j de woontoorn in de Gerner Marke. Installeteurs bint bezig met de leiding’n van de vloerverwarming en de vloer’n wördt per verdieping metene ‘elegd deur un stel Duutsers. Skilders en glaszetters van Van Dijk bint bezig met ut glas plaets’n en ondertuss’n wördt stug deur’emetselt met de buut”nmuure. Al met al bint d’r elke dag wel 10 tut 15 man druk met.

Um ut wegloop’n te veurkomm’n staot de werknemers van Van Diek met un touw vaste.

Saam’n met de kraanmachinist bint ze ok al ganks met de dakraand oftewel ze zet de kleppe an de pette.D’r kump un flinke oversteek an. De zwaluw’n zold’n d’r verlèg’n van wörd’n as ze volgend jaor terugge komt. Zo’n mooie dakraand. Kiek mar es naor de foto’s.

Nauwkeurig wördt de 3 ton zwoare plaat’n oaver 2 veurof ingestörte penn’n ‘ebeurd en an de achterkaante met un paar oekiezerties en bolten vast’ezet. Zo mut ut bliev’n hang’n. Ik bin benieud.

Oaver veertien daag’n kon de hele buut’nkaante wel es klaor wên. Hier un plaatie van ut trapp’nhuus en de balcons.

Tekst en foto’s zijn ingezonden door R.E.