DALFSEN – Had ik weer is een mooi item om un stukkie veur te maek’n, is Willy zelf mi’j veur’ewest. Och, dan had ik mar eerder op mutten stoa’n. Ter afronding van ut werk op Sportpark Gerner wödt ut fietspad op niej an’elegd met nieje tegels. Mar van Lenthe ad nog un niej werktuug. Ut ef nog gien name, mar de firma die ut dink levert ef un website onder de name www.strakvlak.nl.

Dus et zol mie niet verbaz’n of zo’n dink giet un “strakvlak” geneuumd wörd’n. Ut dient um de zaandbaane uut te vlakk’n, zodet de tegels mooi vlak komt te ligg’n. ‘k eb dir un kleine reportage van ‘emaekt.
 

 Det het neudig was lut dizze foto zien. Veur fietsers was ut best gevaorlik ‘ewórd’n. D’r is al is ientie op zien ……  ‘evall’n.
 

 De olde tegels wördt met 11 tegeliek met zoegnapp’n an un minikrane op’elicht en op pallets ‘ezet.
 

 Nadet de opsluut baand’n ‘esteld bint wördt de zaandbane met de strakvlak geëgaliseerd.
 

 De minikrane met zien zoegapparaat leg de nieje tegels op zien plaatse. Dizze bint wat dikker en ze bint rood, net as aandere fietspad’n. Ut zug d’r heel netties uut.

 
Met de strakvlak maekt ze steeds weer un niej stuk klaor zodet de krane ok weer deur kan. ’t giet vlot. Ik denke det ze achter in de weke wel klaor bint.
 
 R.E.