De toor’n is klaor

DALFSEN – Nao un jaor hät werk’n is de woontoor’n op de Gerner Marke klaor. Binn’nkört könt de bewoners de slöttels in ontvangst neem’n en met de inrichting an de slag gaon. De leste week’n is de boel op’elevert an Vechthorst en bint de rest’n op’eruumd. De bouwkeet’n bint weg’ehaelt en ut fietspad is weer vri’j. As leste is Pekkeriet bezig met ut straotwerk.

 De bouwkeet’n wördt weer weg’ehaeld.

 Uutvoerder Albert haelt de leste spöll’n weg en probeert metene de parkeerkelder. Op de grond de archeologische nepspoor’n.

De ingank naor de parkeergarage en de toegang’n naor de veurdeur’n. Veur ut gebouw komt ok nog 6 parkeerplaats’n veur bezoekers. De bewoners zelf könt in hun eig’n parkeerkelder. En ok an mensen met un rolstoel is ‘edacht. D’r is un rolstoellift om op de stoepe veur de veurdeure te kunn’n komm’n. En um ut helemaol of te maak’n is er ter herinnering an vröggere bewoners van dizze streek’n archologische bewonersspoor’n op de vloere van de garage nao’emaekt en is er un mooi gedicht in de roet’n boam de veurdeur’n ‘e-etst. Ai op de foto niet könt leez’n is hier de tekst:

  De sprökke op de boomroete van de veurdeure.

 Gerner Marke
Hier zwierven de erven van generaties van gene zijde
Over de essen en de marken
Dalfse sporen uit de middeleeuwen van de drukte van weleer.

Ut fietspad kan weer gebruukt wörd’n.
 
 
 

Pekkeriet dut ut straotwerk. Hiet de ofrit naor de parkeerkelder.

 Irma hef de lift al ‘eprobeerd.

 
 De rolstoellift naor de veurdeure.

  
Al met al is ut toch wel un mooie toor’n ‘ewörd’n, mar hi’j had eigenlik op un andere plaatse mött’n staon.