Voordracht van Jans van de Vosboer

Voordracht van Jans van de Vosboer

DALFSEN – STERREBOS – Voordracht uit midden van de vorige eeuw, gedaan in de omgeving Dalfsen Heino, maar mogelijk ook elders. Jans van de Vosboer (Jans Schrijver) heeft menig maal dit stukje voorgedragen op bruiloften en partijen. Vandaag  1e Kerstdag is het 116 jaar geleden (1904) dat Jans is geboren.


DE ZOLTPOT
Goein aovond luu, ik kan’t niet helpn, ak nie praote met fatsoen.
Want haöstig bin’k nao hier e’komn, ik zal dan toch mien beste doe’n.
Ik bin stille van mie’n boer gaon loopn, ik wörd d’r naar en akelig van.
Want um noe ölles maor te ett’n, daor he’k een groot’n heékl an.
Iej mot weet’n det van’t winter, bi’j oos een vark’n ging kapot.
Eerst sprunge as een gek in’t rondte’, maor smorgens lag e dood in’t hok.
Ik mos direct de slacht’r haal’n, en daadl’k kwam die goeie man.
En daorop zei de boer heel smaakl’k, Jan, geef de zoltpot mie ’s an.
’t Vleis kwam netties in de pekk’l, al lagge ok al dood in’t varkensschot.
En stuk veur stuk is’t op e’getten, bi’j ’t ett’n van de middagpot.
Bi’j koolraap, knollen en spinazie,  bi’j zoerkool en bi’j  boernmoes.
“t smaak’n allemachtig lekk’r, en wie’l vraten allen onbezoesd.
Behalve  ik, want ik vönd’t akelig, maor at ik nie, dan kreeg ik niks.
Deurumme deek mien oong dichte, ik at maor raak en sloek’n fiks.
En toen, zowat zes week’n later, mos oonze veearts van de koe,
’t kalf in stukk’n en brokk’n haal’n, en waor ging det öllemaol naor toe?
“t hele kalf ging in de pekk’l, ’t ging als ’t vark’n de zelfde weg.
De vrouw, die kokk’n d’r middagpott’n  en ikke , Jan heb niks e zeg.
Mar weurumme  ik noe bin gaon loop’n, det is’t waor ölles umme dreijt.
De meid, ooze olde grieze Jannao, die jaoren bi’j  de boer al hef e’woont.
Had kolde in de hoed ekree’ng, en heel heur heufd was blauw en bond.
De vrouw, die kokk’n vlier, kamille en kannemelk met stroop en brood.
Mao’r ’t moch öllemaol gin mieter helpen, want nao een uur ging Jannao dood.
Toen bin’k as een haze gaon loop’n,  want ok wie wist’n d’r ölles van.
Ik denk, zo giet de boer an’t roep’n , Jan gef mie de zoltpot mar es an.
En deurumme bin’k naor hier ekom’n, veur wie mi’j soms gebruk’n kan.
Ik kan bouw’n, egg’n, heuj’n en en maeij’n, Ik binne vri’j van diest en hete Jan.
Ik wil ölles doen wat mot gebeurn’n, met greepe, gaffel, harke of zeis
Maor wa’k verrek dat köj wel denk’n, iej kreigt mi’j an g’n meensenvleis.

Ingezonden: familie Schrijver

Artikel delen: