Hènnig an
Wie-j hoast oons, woarumme
Wie-j jäägt en wei-j jakkert
Wie-j roast langs de stroate
Wie-j steunt en wie-j klaagt
Wie-j bint diepe in gedach’n
Op völle geld in de knippe

Wei-j heb veur mekare gin tied
Det lig oons zo veuran op de lippe.

Wie-j mut niet zo jääng en jacht’n
Ie-j weet wat doar van kump
’t lèèm det giet gewoon verda
De tied det köj nie överdoen
Wat wu-j dan verde nog meer
As stoete met keeze en gruunte met jappel
Aj ‘smons weer gezond uit berre kunt goan
Dan kom ie-j toch niks te korte

Wie-j vliegt ma wee verda
En wie roept goat op zied
Mar s-öams zit wie veur de kiekkaste
Dan heb wei-j iniens oalle tied
Wie-j kiekt noar de fim
Met geschie-t en gekletter
Of luustert noa al det genöäl
Oaver het Hollandse weer
Kjerls kom toch uit die stoel verda
Kiek wöör het bie een ander vergiet
Goat en proat’n bie oe noabers
Zie weet nie wat ze zie-t
Wat wu-j dan nog meer
Dan vrèè met al oons volk
De-j kunt proat’n van man tut man
Doar kun met mekare nog old bie wör’n
Dus doe-t dan noe mar hènnig an
Denk an mekare doar geniet ie-j van.