OOSTERDALSEN – Mien schoonolders mossen om ien uur in Eindhoven wenne. Die wilt noar de Eilanden met die geile veugelties, kan dr ff nie opkommen. Rare is det ze eerst noar Gruningen vliegt en dan noar die Eilanden veurbej Spanje. Komt ze dus 2x över Dalfsen hen.

As noe Lelystad dr was konden sie vanof Lelystad noar Gruningen en dan noar de Canarische Weilanden, ja det wast, doar gingn sie hen. Dan hoem ze dus mar iene keer över ons hen te vliegn.

Persoonlijk vind ik die vliegtuugn wel leuk om op zundagmiddag met de verrekieker te zien langsvliegn. En zovulle lawaai makt ze noe ok weer nie. Nee dan muj die kleine prötteldingen uut Teuge hebbn, die maakt lawaai, geet er noe net iene över trouwens mar ok doar kiek ik met plezier noar, erger mej dr nie an tenminste. Ik denk altied mar zo, die zult ok wel een keer last van mej hemm.

Groetn gruune Jopie

Jemmer det niet geoon in Dalsen kon instapn. Red.