OOSTERDALSEN –  As ie bej önz achterin bos komt, ist een oorverdovend gekwetter van duzenden sprös die in de boomn en in de weilanden dromhen zit. Sprös of in het Hollands spreeuwen bunt veugelties die in groepn rondvliegt. Det doet ze heel slim want met menare in een groep bunt ze veiliger veur jagers zoas havikkn.

Bej de buurman zit ze onder de dakpann en det doet ze grage met menare in kleine groepjes. Int veurjoar en nöjoar kump thele spul ben menare te vergaadrn. Dan vliegt ze noar Frankriek of ze blieft nog kurter bej huus, bieveurbeeld België of Zeeland.

De familie uut Duutslaand en Denemarkn komt hier dan hen zodat tlik dat ze hier altied bunt. Wied vliegn doet ze dus nie, bunt gin wereldreizegers.

Sprös bunt hele nöttige veugelties want sie ett grage insecten woaronder emeltn die in grusveldn zit. Das better dan vergif streuin of spuitn.

Groetn gruune Jopie