As pissebedde heit ok niet oltied eem mooi leem. Het is machtig uutkiekjén dej niet verongelukt. Daags zit ik as pissebedde buten onder een bloempot mooi uut de zunne en lekker vochtig. Die bloempot stiet dicht bij de butenmure van een woning. En as het s’avonds donker wot, dan kroep met mien soortgenoten onder die bloepot weg, langs de mure van det huus.

As wie en entie lopen hebt dan zit door een klein gaagie in de mure, Door passe wie net deur . As ik dan deur die mure en kroep kom ik in een sloopkamer van die bewoner die door lig te snurken. Ik kan roeken det het een sloopkamer is want ik roeke een zweetvoeten lugt.

As ik dan heel veurzichtig langs de kaante kroepe, tussen de noot van de vloerbedekking en de plinte, dat kom ik een heel ende verder in een vochtige ruimte. Mar det is nog al een entie kropen wat ik bin niet met de fietse, ik mut het wel kroepent doen. Daarnoost mut ik ok machtig opletten of ik onderweg geen stofzuger tegen komme, want det hebbe ik 1 keer eerder e had, det gung mie biena mis. As ik die afstand heb of e leg kom in in die vochtige ruimte. Soms stiet door een mense te doesen, dan mut ik mie waar’n, dan maak ik mie heel klein, zo det ze mie niet ziet. Door in die vochtige ruimte go ik de muur’n een bettie oflikken. Der zit altijd wel iets lekkers tussen.

En as ik mien  boek vol hed ga ik det hele ende weer terrugge lopen. Hele moaal weer terruge noar die bloempot buten. Ak buten binnen mut ik weer uitkiek’n det de vogels mie niet opvret. Overdag bin ik een bettie aan het uutrusten en tegen de oomp ga ik weer terrugge. Door blief ik dan de hele nacht een bettie rondhang. En tegen de mon giet er weer ene ant doesen. Ikke mij weer klein maken. Ma noet giet het mis. Zie richt de doeskop kats op mien botten. Der is geen hool’n meer na, ik vliege samen met de shampo zo de vloerputte in. Ik stroom deur een lange ronde grieze plastic buis buten, zo de putte in. Mieters wat stinken door. ik kan geen kaante meer op. Ma ook hier is nog wel veel lekkers veur mie te eten. Ma het is der wel machtig donker.