How Gait !! (Nedersaksisch) - Foto: Gruune Jopie
Foto: Gruune Jopie

How Gait !! (Nedersaksisch)

DALSEN – Dit zaag ik in de bos bej de Martelbron stoane. Ja Martelbron want det zeg mien va altied, hef niks met marteln te maakn. Hej bedoelt dan baron von Martels uut Hessum. Ik heb van mien va völle eleerd op dialectgebied. Hej heft ok altijd över Huuze Mataarm en dan heft över Huize de Mataram.

Wej haddn een tante Hida in Eino woon, en dat was dus tante Ida In Heino. Dialect is toch wel mieters mooi, aj dat goed kunt.

 

Oh ja die boom, een denne vlakbej de Martelbron dus. Ik zieje tal helemoale veur mej. Gait en Mans gingn de bos in umme holt te zaagn veur de kapschure. Sie wölln dr een neje zolder inmaakn veur et hooi in de sommer. Doarveur mössn sie denneplaankn hemn. As ie dan een paar grote denn umme zaagt en die bej de zagerij loat verzaagn dan kunnie doar een goedkope zolder van timmern. Die boomn mut dan wel een bepaalde dikte hemn en doar hejt noe net.

Gait had de knetterbiele bej hum en Mans möss de boomn opmettn. As ze dan de goeie dikte haddn, blessn Maans ze ietsie an en kon Gait ze umme zaagn. Maa Mans vergissn zich bej disse boom een bettie en blessn hum een heel klein bettie an. Doar kwaamp Gait met de knetterbiele en zettn de zaag in de denn.

 

How Gait, disse nie!! want ik heb mej vergist, disse is te dunne, schreeuwn Mans. Mar het kwaad was al geschied en disse denne blef stoan mar bloed het hele joar een bettie hars uut de zaagsnede.

 

Groetn Gruune Jopie

Artikel delen: