Stille veugelties - Foto: Gruune Jopie
Foto: Gruune Jopie

Stille veugelties

DALFSEN – Bun ik doar bej Martie en Jolande Onderdijk op bezuuk. Ik mut nog wat vieulties hemmn en sie hebt dr nog zat in hun kas stoan. Ik griepe een stuk of tiene treefies bej menare en loop noar buutn umme op te laadn. Hej wat zie ik doar dan weer zittn?

Wel een bettie grote Koolmees en Holtdoeve. Dr zit ok nog een Roodburstie noast. Sie zit volgens mej alledrej al te bruudn, zo stille zit ze. Prachtig mooi hok hef die Martie etimmert, of sol sien va det edoane hemmn. Jolande heur va was volgens mej nie zo’n timmerman mar wet het ok nie zeker. Martie zelf wet ik ok eigenlijk nie maar hej hef wel mieters völle verstaand van bluumpies.

Hej hef ut bedrief över enumm van sien vroggere baas. En sien vroggere baas was mien eerste baas toen ik een kealtie van 13 ware.

Op de Frejdag ging ik eerst chrysanten venten in het durp en op de zoaterdag, veur de voebal an, werkn ik in de kas.

De veugelties blieft mooi rustig zitten terwijl ik henn en weer dribbele met mien vieulties. Nou ajuu jongs, tot de volgende keer dan mar weer en hol ze warm die eigies.

Groetn Gruune Jopie

Artikel delen: