DALFSEN – Was ik onlangs op een feessie en sprek ik doar van de Vegt. Noe bunt dr doar heel völle van dus niemand wet welke van de Vegt, haha. Mar disse van de Vegt had wel een mieterse opmerking. Hej vund det öns gemeentehuus umme drejt moss wurdn.

Doar hek es oaver noa edacht en hej hef groot geliek.

As ie noe oaver ut spoor ried bej de zuudlijke Vechtdiek, richting brugge, muj oen is veurstelln dat wat op de foto stied oen angezicht is, lik het toch net of det een deure is. Ja de deure noar Dalfsn.

Die van de Vegt hef helemoale geliek, det ding mut umme. Grote krane van Wienen dr bej en umme drejn det gemeentehuus.

De deure van Dalfsn wurd ut dan.

Groetn Gruune Jopie