Eerlijk wenne duurn 2 wekkn - Foto: Gruune Jopie
Foto: Gruune Jopie

Eerlijk wenne duurn 2 wekkn

DALSEN – Noe hekk gistern de eerlijkste man van Dalfsn ontmoet. Disse man is ok bej mien in de stand ewest op de Tuinexpo in Luttenberg 2 wekkn geleedn.

 

Ik heb altied van allerlei spul in de stand liggn woaronder veurroad van folders. Die bunt gratis en kunt mensn met nemmn as ze doar behoefte an hebt. Noe verkoop ik ok mien beukies veur de oardigheid en in Luttenberg hek dr 36 verkocht maar ik had een stapeltie van 60 met enummn en had dr nog 4 över. Snap ie? De pries stiet dr toch duudlijk bej.

 

Ik heb ze nie weg egeem want mien va zei altied van geem is opa Bekedam sien beste koe dood egoan. Det biessie gaf zovölle melk, zodat sej dr an bezweek.

 

Disse eerlijke Dalfsenaar had uut mien stand vanöff de veurroad een boekie met enummn. Bej de veurroad stiet gin pries op de deuze. Thuus ekomm, sien vrouwe det beukie loatn sien en sej vund ut ok prachtig. Soamps möss de visite ok det beukie siene en noe kumpt, doar was een vrouwe denn had ok det beukie en sej had dus weh betaald.

 

Ik heb twee wekkn slecht esloapn en wisse daj hier stundn en komm oe now betaaln, zeggn den eerlijke keal.

 

Groetn gruune Jopie

 

Artikel delen:
Foto's 2
Eerlijk wenne duurn 2 wekkn