Mierenwolf of Leeuw - Foto: Gruune Jopie
Foto: Gruune Jopie

Mierenwolf of Leeuw

DALSEN – Tja , wekke geleedn hek een verhaaltie emak över de Miernwolf. Hek nog ah commentaar op ehad want det biest bestiet nie volgens de natuurkundign in Dalfsen en omstreekn.

In heel Nederland wurd det biesie Mierenleeuw enuumd. Kiek mar es nö op googl. Hej krup in de grond en bluss dan steeds zaand noar boam. Op een gegeem moment hef de Mierenleeuw een kuultie en as dr dan een Mier över de raand lup, bluss den smiestert een wolke zaand in de richting van de Mier zodet de Mier noar beneedn henn kuukeld in de bek van de Mierenleeuw die dus onderin det kuultie zit met de bek wiedwaagns luss. Biessie, op de foto is slechts een centimeter groot. Sej kunt weh 2 tot 3 cm groot wurdn.

 

Echt woar, det verzin ik nie.

 

Dissen wieheid hek eleerd van een natuurkundige op de Lemelerberg woar aj die biestn völle ziet. Dr bunt alderbarstens völle Miern de leste joarn en hun natuurlijke vijand, de MierenWolf, sorry MierenLeeuw, heft dr goed met, en kump noe in völle tuin veur. Kiek zelf mar us secuur in oew eign tuune op een dreug zaanderig plekkie.

 

Ik maage toch weh MierenWolf zeggn teegn det biessie? Wolfn hebbe wej ondertussn in Nederland. Leeuwn nog nie, alhoewel dr geruchtn gingn paar joar geleedn.

 

Groetn Gruune Jopie

Foto's 2
Mierenwolf of Leeuw - Foto: Gruune Jopie
Foto: Gruune Jopie
Artikel delen: