DALSEN – OLDLEUSEN – Hoe ist toch mogelik? Gistern 28 Februari en ik zaage in Oldluusn de eerste koe’jn ah buutn loopn. Springn en zo now en dan een bettie heistern mar över t algemeen rustig. An al die dames konnie ziene dat ze dr skik van haddn in ut veurjoars zunnegie. Völle gruss zat dr trouwens nog nie dus denn boer moss ze weh bej voern.

Ik heurn oaverigens det dr een boer in Nejluusn was die sien koe’jn in de snee last noar buutn edone had. Schient heel goed veur de hoevn van de biesies te wene. Mar toch klopt ut nie. Mien opa deed sien koe’jn pas eind Meert of begun April noar buutn. Toen gunk det trouwens een bettie meuliker omdet de koe’jn vaste bundn zaatn op de Delle en voorlopig nie meer binnen kwaamn. Teegwoordig loopt die koe’jn in en uut de stal, net zo makkelik.

Groetn Gruune Jopie