DALFSEN – In Dalsen kent wiej ’n olifantenpad biej de Poppenallee. Die is nie deur de gemeente of provincie anneleg, mar in de loop van de tied ontstaon umdet er ter plaatse onlogische situaties waarn. Slechte ansluting van paden, ‘n ende ummerieden, meer dan honderd meetr en deurumme goat de mèènsn binndeur oaver ’t grös. Op den duur ontstied daor een pad, dit nuumt ze un olifantenpad. (zie wikipedia).

Zie bijgevoegde foto’s op de locatie toen de Papenallee, nog recht uut kwam op de Poppenallee, det was tut ongeveer 1970 en gin enkel probleem.

In die tied is de oaverweg verleg en dus ook een stuk van de Poppenallee. Die leup eerst strak langs Vidal, of huus Vechtkamp. De olde weg lig der nog, het asfalt is wel half offezaagd, mar nog goed te zien. Onbegriepeluk det de geleerden nooit rekkening holdn hebt met de ansluting van Papenallee en noe mut de fietsers en aandere mèènsn een heel ende ummerien of loopn, als ze op de harde weg wilt bliem. Nooit det der een ambtenaar op gedachten kwam een mooi verhard pad oaver het grös aan te leng. Joaren trugge heb ik det al is bie de gemeente annekaart, mar det werd offewimpeld, zol grond wean van de spoorweagen, mochen ze niks an doen.

Toch blef het vremd dat er nooit een versoeluk pad is anneleg, ja, wel iene van grös keiien, mar door kuj nie over fietsen en ook met lopen brek iej de bienn. Dus giniene giet doar overhen en is d’r inmiddels een tweede pad ontstoan. Helaas met rèèng vake iene grote modderbende. Echt een olifantenpad, een olifant kek nie op een bettie modder, maar veur fietsers ist nie leuk. Ook de scherpe raand teeng ’t betonfietspad hef al heel wat lekke baan oppeleverd.

Wie weet hef de gemeente nog een keer een aanhanger vol fien puin, zodet het toch nog oaveriene kump met het fietspad an de Papenallee. Wiele wacht of.

Ik denk det er in de gemeente nog wel meer van die paden bint, woar mèènsn binndeur loopt of fietst en vroagt um onderholt.