DALSEN – Ja doar zitte, straks steeds meer, ziede hum dan ant schap bej Willy op de Boskaamp. Wat een donders mooie markante kop as hej toch hef, kan zo op tv met een serie met doene. Binnenkurt in de AOW begreep ik . Ik bun hum erg dankbaar, want hij was ien van mien eerste trainers bej de beste club van Dalfsen. ASC dus.

Ik bun op 7 joarige leeftied begunn te voetballn en mien va dacht, dat hult hej toch nie lange vol en voetbalskoen koopn doet wej nie . Kleine Jopie mos dus op de gruune leersies met doene. Doar heb ik mien fabelachtige traptechniek dan ok met ontwikkeld .

Volgens mej hef toen Bert met de olde Marrinus esprökn en ezegd dat zien zöne wel talent had en voetbalskoen mos hem.

Zogezegd, sie kent menare allemoale en mien va koggen 2e haans skoen van Willem van de Tippe, sien collega van de melkfabriek.

Nou det was ok wat, dr zaten holten neuzen in, volgens mej van een boom uut ut steerrenbos. Keihard en ik had altied zere teenn.

Voetbaln doe ik nog steeds met völle skik met dank an oe Bert!! Noe hej tied dus ie mut oen pupil eignklik maar een keer komm bekiekn zo gauw dr weer evoetbald mag wurdn. Drinke wej nötied een heerlijke Grolsch beugel an de tap bej ASC in de kantine.

Groetn gruune Jopie het giet oe goed met oen pensioen!!