DALFSEN – Stal de ontginning dus. Vervolg dr van. Ut Veulentie is oardig egruu’jd en kloar veur een baantie as Springpeerd. Nou dan stiet zo’n biesie in een hok en kroep dr dan mar is op. Dat loat ie weh, anraakn mag nog maar mut nie te gekke wurdn. Albert hef as beroep, een stuur en een rem op zo’n Peerd te maakn. Figuurlijk dus, det snapt jullie weh. Ik heb met eign Oogn ezene dat zo’n Peerdn Albert ut hok uut wil schuppn.
Noe bun ik met de voetbal wel wat gewend, heb ok schuppers bej ASC rond loopn, maar een schup van zo’n Peerd is aandere koek. Albert hef zo zien manierties umme dat biest mak te kriegn en uutendelijk, noa völle probeern, hef det Peerd een touw en halster um de nekke. Zadel dr op en Albert nemmt ut Peerd met noar buutn umme eerst maar is runties mee te goan kuiern. Det giet goed en noa 20 runties mag ut Peerd met de stal in tussn een riege buizen hekkn woar hej net tussen drei’jn kan. Albert krig ut veur menare umme dr op te kroepn en as ware Rodeo Cowboy giet ut gezaamlijk deur de stal. Ut Peerd kik mej een keer verbaasd an en denkt vaste, wat överkump mej noe weer. Soll zo’n Peerd trouwens ok Dialect kenn? Mut det nog eem vroagn.
Noa twee daagn en soms pas noa een moand is ut Peerd riepe veur de volgnde stap en kump Lokbe in beeld. Heur baantie is umme det Peerd zo gek te kriegn över een hindernis te springn of mooie draf of passies te loatn maakn.
Een volwassen Peerd weegt gauw 550 kgr en det beur ie de eerste keer dr nie över henn. Sie begunt met een balk op de grond en in principe kan zej ah vrög siene of een Peerd anleg hef umme te springn. Aj dr op zit ist vake een kwestie van opt juuste moment een tikkie geem en zo’n Peerd mut ok zelf willn. Een Peerd is een vluchtdier van oorsprong, zegt Lobke.
Raar baantie toch, Peerdn springkloar maakn en as ze iets kunt muj a’weer afscheid nemmn van zo’n Peerd. Is Lokbe heur fulltime Job en zej heff amper collega’s die t’zelfde doet. Vak apart toch en det trek mej, doar moss ik meer van wettn. Nejskierig bun ik altied ah ewest.
Groetn gruune Jopie
