Zo kumpter nog van - Foto: Ton S
Foto: Ton S

Zo kumpter nog van

LEMELERVELD – Bie un kerl waas ikke ant helpn. Toen ut al nao twaalfen was, zei die kerl det wiele eem nor zien huus ging um wat te etten. Hij wol mie zelfs un ei gon bakn. Dus toen wiele bie zien vrouwe bin kwaam, zei ik dek heur kerl zo gek ekreegn had dette un ei veur mie wol gon bakn. De vrouwe was stom verbaasd dek det veur mekare had kun kreegn, want det had hij nog nooit veur haar edaone.

Tja vreemde oogn dwingt wat aof, mar ut kan ok nog det hij te bange veur mie is um mie det te weigern.  Toenk an taofel wol gon zitn, lag de hele taofel vol met wasgoed. Twas wel schone en det was veur mie wel plezant. De kerl was gon eierbakn en ik wol ruumte maakn op taofel en begon de wasse op te vouln. De vrouwe die niet al te mobiel meer was zag det en zei dek goed bezig ware. Tussen de wasse zat ok un laken en ik leut de vrouwe mie helpn bie ut opvouln, want zo makkeluk kwam zie der niet van aof. Toen de man later vreug hoe ik det laken had oppevouln, kreege as antwoord det zien vrouwe meer kon uutvretn dan hij dacht.  De wasse lag noe netties op un stapeltie, dus bie ut etten van de eier hoem wiele de wasse der niet onder te smeern.

Ton

Artikel delen: