LEMELERVELD – Ut kan un keer gebeurn. Dur was un koppel det saam nor un verjaordag wol en ze gung met de auto dur op an. Ze haan de tied en kon mooi kalm an doen. Ze naam de parallelweg waorie ok mag 60 km mag jaagn. Dur kwaam un bochte an dus ze mossen nog zachter jaag aans zoj uut de bochte knapn.

Un teegnligger kwaamp duran en die kwan deur de binnenbochte anjaagn. De bestuurder vant koppel gunk de berm in um de teegnligger uut de weg te bliem. De teegnligger kon hun niet meer missen en jaagn de buutnspiegel van de auto vant koppel aof. “Verduld die kwaam helemaol deur de binnenbochte” zei de man teegn zien vrouwe. De man stopte net op tied, want in de berm lag op un halve meter afstand un sloot en daor wolle niet in trechte kom. Gelukkig was de teegnligger okke stopt, want asse was deur erene kon de schade niet deur de veroorzaker vergoed wurn. Dus de alarmlichten an en eem met menare an de praot hoe noe verder. En de teegnligger was un vrouwe.  De politie ebelt mar die had gin zin um te kom, want die von det aster gin dooien of gewonden waarn mossie ut zelf mar uutzuukn. Beide bestuurders haan un schadeformulier bie zich. De vrouwe vant koppel en de teegnligster gung saam in de warme auto zitn um die papiern in te vuln. De man vant koppel mog buutn bliem staon te koltfiestern. De handtekeningn bint ezet en de beide auto’s kon verdan. Zonder ruzie kon ze noe verder gaon en de koffie op de verjoardag was heel erg welkom nao al det gedoe.

Eem later kreeg de vrouwe een appie van een kennis:

Waarn jullie det die an erene waarn?

Ton