LEMELERVELD – Dur bint van die daagn dan maai de vlagge uuthangn. Ik zaage un kerl met un trappe bie zien diggie waor de vlaggenstok in mut. De kerl was iets older as mie en ik wolt niet meemaakn det hij van de trappie zol aofsodermietern en beut an um hem te gaon helpn. Kiek as ikke dur aof zol valn det is niet zo’n erg, want ik ben iets smeuieriger in de botn as hij.

Mar die kerl zei det ik better eerst zien buurvrouwe kon gaon helpn. Die hung uut raam en kon net niet bij det diggie waor de stok in mut.

Dur stond wel trappe bie, mar die koj eigenluk niet dichtbie genog zetn. Deurum was zie ant probeern ast ok via ut raam wol.Ut gevaor zol ok ween det as zie de stok dur inne knooit had det de holder zol gaon uutbuugn en dan waai nog verder van huus. Ik heb ut trappie van heur toch iets aans, mar wel dichterbie ezet en konk de stok dur goed in kriegn.  Nou was de buurvrouwe tevrene en konk de oldere kerl ok nog eem helpn. Toen die vlagge ok hung zei de kerl ak zo de hele straote zol mun helpn dan waak nog wel eem bezig. Ja en ak dan ant ende van de straote ben kank zo weer veuran begin met uithaaln, want dan ist a bienao donker. Zo blief ie mooi bezig.

Ton S.