Gruuten kan vervelend wurn - Foto: Ton S
Foto: Ton S

Gruuten kan vervelend wurn

LEMELERVELD – Ie hebt un mooi zittie veurt huus, mar ie woont aorig strak an de weg. Assie dan mooi in de zunne buutn zit te genietn van oen kuppie koffie wurdie deur iederiene die langs kump jaagn vriendeluk begruut. Det is machtig leuk, mar assie wat ant leesn bint of ie hebt bezuuk wurdie steeds offle leidt deur al det gegruut.

 

Dur stiet wel un hegge, mar die is allenig ant begin op goeie heugte. Assie daor gaot zitn kunt ze oe van de weg of nie meer zien zitn. De rest van de hegge mut nog in heugte biegruuin, zodei gien verstoppertie meer hoeft te speuln met de veurbiegangers. Umdei oe in un rolstoel mut verplaatsen mut de straoten umme ut huus an kante ween aans kriej allemaol troep an de wieln van de rolstoel. Ai dan weer nor bin gaot kump al die prut ok nog int huus en daor wuj niet blij van. Toch ist biutn zitn in de zunne wel leuk, mar ie wult ok niet meemaakn det ze oe ziet zitten te slaopn, dan kriej gelieke weer praot van dei un olde slaopkop bint.

 

Ton

Artikel delen: