LEMELERVELD – De Elnbroekbrugge  kwam ok  nie zonder kleerscheurn deur de tied, geboortig in de Dorpstraote, zaten wie d´r ja met de neuze baom op. En nog  heure wie den  enorme dreun  as´t brugdek  dale  wòn e laoten, as  e half baom t´water hing dan  moggen wie  as kinder d´r teegn  op lopen, de slagboom nao baom drukken.  Maar eerst kreeg´n de joekel van sloten een forse dreun van  Elnbroeks zien klompe um brugdek  op  zien  plaatse te haoln.

Noe wie er toch  aover hebt……  loop  éém   met oons met, um  nostalgie gevuul  dudelijk te laoten vuuln .De brugge was en  bleef op  zundag   dichte, misschien hoge uutzondering daorgelaoten.

Sunde´s middag  zaten een stuk vief olde  buurn vaak an de aoverkant veur de etalage van de alom  bekende winkel van H.Deurink met de naam“ Spar de Kleine Winst”um daor  hun  commentaar te geem op de gang van zaak´n in ons dorp Lang  bliem zitte´n  veur  de roeten  ko´n toen nog want tied kossen geen geld, winkel bleef toch dichte, toen nog wel. Wie bint d’r op  veuruut  e´gaon ; een heel lang weekend ja  zo vrie as  een veugeltie,  tuurlijk  veur oons  zelf, Het was zwaor genog disse wekke  n ´aander mach ok wel is veur ons klaorstaon…..  Onze dorpsbrugge; want daor gaot disse verhaoln aover;  had  veur onze tied  ook al een bedenkele reputatie.

Uut de media  – van die tied – hebbe wie heel  wat baom water      haald.  Veur  de volgende  verhalen,wel  heel völle leesplezier

i.o   Historische Werkgroep  Lemelerveld

19  -08 – 2023

H.Huisman