OOSTERDALFSEN – Kiek is, past allemoale net. Een foto van 2 moand geleedn. Ik wol dr toen iets över schriem, maar is dr nie van ekommn. Ut irriteert mej ah lange. Deur de nejbouw is de Welsummerweg steeds drukker. Auto’s, fietsers mar ok wandelaars.

Bej de nejbouw bunt ok aparte wandelpaadn dus die lopers hoeft helemoale niet op de ontsluitingsweg te wandeln. Want det is de Welsummerweg, ontsluitingsweg veur bewoners. Auto’s, bromfietsn en fietsn.

Waorumme noe dan een stukkie?

Gistern werd ik ebeld deur iemand die mej vrög of ik dr nie iets över zeggn kan op Dalfsennet. Now vooruut. Disse persoon heff meermaaln bienö een ongeluk ehad umdet dr wandelaars in de weg luupn. Ok bieno onderdsteboam ejaagd deur een bussie van Parts en Point. Joa die luu raced över de Welsummerweg as oft 100 km mag. Ok de tientallen bussies van Post NL, die hebt dr toch niks te zuukn. Soms weh zes achter menare an en maar jaagn.

Zo tis dr uut. Met dank an die beller.

Groetn gruune Jopie