LEMELERVELD – Un kerl giet met zien zunne ait ant sporten in un fitnessruumte.  De kerl haaln zien zunne op vant huus waor die woont. Eerst un bakkie koffie en un bettie bie praotn. Dan grep de zunne zien pruttel umme te gaon sporten bie menare en gaot ze durop an. Asse dan in de sporthal bint en de kleern van de botn gaot doen umme  de sportkleern an te doen, kum de zunne durachter dette zien sporttasse nog in de auto hef laotn lign.

Zien va stiet al met de sportkleern bienao an umme te begin met sportn. Toch mut die tasse nog uut de auto wurn ehaalt. De zunne stiet nog in de onderbokse, dus mut zien va ut mar doen. Zien va had de gymschoen al an en mut die eem ummeruiln veur zien gewone schoen. Ie maagt nie met gymschoene buutn loopn en dan de sporthal in. Dus mos de va in zien sportkleern op zien gewone schoen nor buutn umme de sporttasse van zien zunne uut de auto haaln en twas ok nog gloepens kolt. Maarja ai eem hard gaot sportn hei zo weer warmte in de botn. Assie te hard gaot sportn kuj ok te passe komn. Zo hef de va ut mee emaakt dette un dikke knie kreeg deur te fanatiek op de loopband te keer te gaon. Dus kalmpies andoen is toch better..