LEMELERVELD – Un kerl kwaamp bie un umgezotermierterde boom en nog andere holten paoln. Die mossen eem kapotezaagt wurn. Gelukkig hadde un kettenzaage bie de hand. Asse det met un handzaage mos doen, zolle aorig ant zweetn komn. Tis ait nog zo ait makkeluk kunt doen, weurum zoi ut dan meuiluk gaon doen?

Hij begon duchtig ant zaagn, naodette eulie en benzine in de kettenzaage had edaone. Toene al un schoffie bezig was met zaagn, zagge in iens det ut duppie van de eulitank vort was. Noe zolle bienao zonder eulie ant zaagn ween. Det kon natuurluk nie en hij gunk ant zuukn offe ut duppie nog ens kon teruggevin. Mar ja de boom lag int diepe grus over un grote plekke. Det was gien zuukn an, dus dan mar un nieuw duppie besteln bie de zake waor de kettenzaage vanan kump. Ut zol eem duurn veurdet ut zol binkomn. Noe mosse mar eem geduld hem umme verder te kun.

Ton