LEMELERVELD – Un keerl had zich in de koppe haalt umme zien breur te gaon helpen biet bouwn van un huus. Zie bint al un tietie ant buffeln umme troep uut un old huus te slepn. Det olde huus mut ok nog van de biene. Ut weer is af en toe gewoon klootn. Ast dan weer is reegnt giet de breur in berre lign unme uut te rustn.

De keerl denkt dan, waor binnie noe mee bezig vent. Assie det nieuwe huus un keer trechte wult hem, muj verdan. Veur de Kerstmis wulle derin kun. Mar wat van jaor dan, vrug de kerl. Assie met oen luie reet al mar in berre kroept, kant lange duurn met det gebouw van oe.  De breur hefter un boerderije noast, waore ok nog tied in mut stekn. Zien zeune die opvolger is, is mar wat blij dette nog wat wul doen, want asse straks in ut nieuwe huus giet woon, zal de opvolger ut toch allenig mun doen.  Ut nieuwe huus is niet machtig verre weg en de breur zal zich nog vake laotn zien bie zien zeune, asse tied hef. Biet nieuwe huus mutter nog un bult gebeurn. Asse der eerst mar woont kanne de mouwn echt opstreupn, want miln in un bos maagter un bulte boom umme ast an wul  pasn zoaset graag wuln hem. Zien vrouwe heft al over un grote gruuntetuun, dus kanne zien tied wel kwiet.

Ton Schriever