DALFSEN – Ik zatte gisteroamp int gemeentehuus bej de raadsvergadering want zitte sinds zeum moand bej gemeentebelangn an eslöttn. As rasechte geboorn en getoogn Dalfsenaar vuul ik mej doar erg thuus. Was een lange vergadering en umme 10 uur kreeg ik bericht van mien zuune det dr Noorderlicht an kwaamp. Nou dan zit ik op hiete kooln en wil noar buutn.

Mien zuune heff zo’n app woar de ankondiging op stiet en warempel 22.20 kreeg ik ah een prachtige foto van hum. Now om 22.30 vergadering afeloopn en ik sprint noar buutn, prachtige foto emak maar bettie onduidelijk nog. Een donkere plek opzuukn dus met de auto noar mien breur in buurtschap Emmen en prachtige foto’s emak.

Noorderlicht kump deur zonneuutbarstingen die d’r 24 tot 48 uur över doet veur ze op Aarde te ziene bunt. D’r is een cyclus van 10 joar ongeveer en wej zit noe bienö ant ende van zo’n cyclus. Vroag mien breur of zuune maar die wet dr alles van. Ik een klein bettie.

Groetn Gruune Jopie