LEMELERVELD – Noe bint ze met de olympische speuln ok bezig met shorttrack schaatsen. Umdet de nederlanders daor goed in bint, wurd het meer bekend bie oons nederlanders. De jeugd wult ut graag leern en gieter met veel bravour mee an de gank. ‘Och’ zeg an oldere man “Ik kan dur ait nog mee an de gank gaon. Eem veer jaor anknooin, dan kank veur oons land zo metdoen met die speuln.

“Ach dan wel met de rollator zekers’ zeg zien vrouwe dan.  Zo trappie un goed plan toch gelieke kats in de vernieling. Dan muj niks te bange ween ent gewoon probeern.  Ie wult ok niet later begin te zeurn dei ut nooit eprobeert hebt. Assie dan bienao oen poten brekt of op un andere maniere onmeunig te passe komt, heit in ieder geval probeert. Ie kunt dan vreseluk zitn te baaln dei ooit zo stom ewes bint. Mar ie hoeft in ieder geval niet lign te neuln dei ut gloepens emist hebt ait niet edaone haan. Det ut dan niet echt elukt is umme an de speuln mee te moogn doen dan ligt det zekers an de rollator die ut ok nog nooit mee emaakt hef. Die rollator denkt zekers det ut niet gekker mut wurn, daorveur bint ik niet emaakt.

Ton