LEMELERVELD – Un beker is ait makkeluk  um allerlei prut in te doen. Umme verfkwassen int te doen met water zodet ze niet keihard wurd. Kinder kunter ok mooi mee in de zandbak knooin. Dan krieg ze niet van die smerige jatten. Ie kunter ok planties in zetn, ie kunt ze as pennebakkie gebruukn.

Ie kunter ok allerlei drinkgerei in doen. Ok as boekenstandaard kuj ze gebruukn  mar dan kuj dur better un bukte zand in doen. Aj ze gaot ophang kant ok mooie wandversiering wurn. Ai zo ant prakezeern bint kuj van alles verzin waj dur allemaol nog meer mee kunt. As zo’n beker kump te klettern en tis allenig mar ut eurtie  kapot is, hei mazzel ehad. Dan kuj um nog gebruukn ai dur uut wult drinkn. Ut stiet dan wel erg sneu asse oe ziet met met un beker met ut eurtie dur kats of. Mangs hef un beker un opdruk en kan dus un souvenir ween. Dan heurter un geveul bie asse gebruukt wurd. Dan hef zo’n beker un andere betekenis as andere beker die wel helemaol heel is.

Ton