DALFSEN – Bovenstaande titel  is  afkomstig uit “Gruunte uut eign Tune”, verschenen in maart 2007. Dit boekje is samengesteld door de leden van de werkgroep Dalser dialect. Het bevat verhalen, gedichten, spreekwoorden en gezegdes in Dalfser dialect. In deze column een gedicht van werkgroeplid  Derk Bosscher.

Iej staot door al zo lange

D’r is gien meanse die weet van oen begin

Toch zol ie volle könn vertelln uut de vevleungn tied

Van riekdom,  ärmoe, bli-jschop en vedriet

Iej staot  d’r altied veur ’t volk oe lange leam

Iej roept ze nao de kärke, elke zundag weer

In vreugde en verdriet, iej bin t’r altied

Iej begeleidn ze nao kun läste rustplaetse in vedriet

Drie maol daengns laot ie oe  in treditie heurn

As ie niet boemelt zegt measn wat zol d’r wean

Acht uur ’s mäns bi-j oen appel kump alles in de weer

Twaalf uur ’s middes ettnstied, de schoeln gaot uut

Neangn uur  ’s  aoms kwaamp de bri-j op taofel

En dan rap nao bedde, ’t männ weer vrog dag

Iej brengt in  ’t leam van volle meansn regel

En zonder da-w ’t weet passé wi-j oons bi-j oe an

Ok met de tied haol ie oons op de heugte

Hoe Laete is ‘t , iej bint altied bi-j de tied

Woor zit de wind, wödt  vaek e-vraogd

De haene op oen puntdak makt ut oons wel duudlijk

Wi-j hopt det ie nog völle joorn jao eeuwm lange

De meansn begeleidn in bli-jschop en vedriet

Wi-j vindt ut zo gewoon det iej door altied staot

Ma  ’t is heel  bezunder en de meansn haolt van oe.

Ingezonden: Historische Kring Dalfsen