Wat is wiesheid??

Bäts dien’n  bi-j`n  boer in ’t agterveld, ie wol best wärk’n en dan bi’j  à gouw goed bi’j de boer, ma ärg snel van begrip wasse nou niet, op de boerderijje was altied völle wärk. Veural vrogger toen mös alles nog met d’aan gebeur’n , op de meeste boer’nplaats’n was wel un stuk hooglaand

 

en dan göng’n de boer’n det laand ofput’n det was de grond afplag’n, un stuk ligte grond wön d’r tussenuut  e’spit en de plag’n kwaam d’r weer op, zo kreeg’n de boer’n mooi leaglaand. De boer mös daags weg en zee teen’g Bäts goat van dage ma ofput’n op t’achterveld. Bäts kreeg van de boerinne un tasse  met boterham’n  met’n krukie met drink’n. Wanneer zee Bäts muk noar huus kom’n, nou zee de boer as de zönne ondergiet komt dan ma op huus an. Toen de boer soams t’huus kwaamp zee de vrouwe Bäts is ok nog niet weer t’huus en t’is à bienoa duuster , de boer zee dan goa`k is eam kiek`n, toen ie in`t ahterveld kwaamp was Bäts nog druk an`t wärk. De boer zee Bäts ie zol`n tog t`huus kom as de zönne ondergonk. Joa zee Bäts ma toen de zönne ondergonk, kwaamp doar an die andere kaante un nijje zönne weer op.

 

 

Ut was aans op de Veluwe, op un klein boerderiggie zo un bettie teang de bos an doar woon de boer zien vrouwe en un joggie. Ze leam d`r vredig met mekare, het geval wil det der s`oams wel drie keer in de wekke an de raand van de bos un grote slee van un auto an kwaamp rien stunt dan een posie stille zo’n ketier twintig menuten en dan gong ze weer vedan. De ni`jskierigheid van Va leup hoogop, de jonge, zo’n opskötteling van un joar of tiene un bettie wies veur zien laeftied zee teeng zien Va doorkom ik nog wel agter. De slee kwaamp d’r weer is an de jonge met un umweg de bos in toene köt bie`j de auto was kwaampe vezigtig de bos uut,kreup noa de auto en keek vezigtig deur de agterroete en gelieke weer weg wen op huus an. Va stunt al te wagt`n en zee nou wat was det , och zee de jonge, Va hetzelfde det à we` dagge. Ze ried ma in grote dure auto’s ma ze hebt gien broek an de konte.

Derk Bosscher, oud lid werkgroep Dalser dialect

Artikel delen: