DALSEN – Meert dialectmoand, wi’j mut oonze traditie in ere höln en goat disse moand verder met dialect. Natuurluk maekt wi’j eerst oons Sallands woord’nbook of, tut wi’j doar mee oaver bint. Dan  goat wi’j twee keer in de wekke een deel van het woord’nbook herhaaln of anvuln met eerder geplaetste dialect verhaaln.  Mar an jullie un oproep, laever mooie dialect verhaaln an.

Salland dialect, elke streke hef  z’n eigen dialect, of wel de sprektaal. Zo is ’t dialekt van Hoonhos, Heino en Lemerveld is toch weer net iets aans dan ’t dialect van Dalsen of Nijleus’n. Ik denke det dit met de Vechte te maeken hef. Niet alleen veur mèès’n, mar ook veur te taal was de Vechte een belemmering, woer i’j zomar niet oaveren kon, zonder brugge. Dus niet de mèès’n, dan ook niet de taal. Toch ko’j toen sommers deur de Vechte loop’n umdet er weinig waterin stund, of met ’t Kleine Veer. Zo gung de Dalser kathelieken ok in Hoonhos noar de kerke, via de Papenallee.

Oons eig’n spreektaal, is oons DNA, oonze geschiedenis hef heel wat te verteln, doar bint plentie mèènsen op dit moment druk mee gangs. Op zuuk noar oons DNA, help i’j met??

WvdV