OOSTERDALSEN – HEINO – Noe es ff iets heel aans. Ik zit heel vake op de buienradar te kiekn.  k wil altied weetn wat mej buutn stiet te wachten daags. Wat mej vake opvalt is det het in Heino, woar een weerstation zit, het heel vake extremer is qua temperatuur .

Kiek mar es goed op de foto van vanoamp en ie ziet det  Heino veruit het koldste plekkie van Nederland is . Det kump echt vaker voor, en det kan toch nie?

Wat isternoe zo biezonder an Eino zoals mien va altied zei.Olde Dalfsenaren hebt muuite met de letter h, let doar mar is op. Mien va zei dan bieveurbeeld : wej goat tamee noar tante Hida in Eino. Dan beduulne: wej goat noar tante ida in Heino .

Mar noe dwaal ik of.

Heino hef dus een weerstation met rare uutslaagn, vind ik. Zit doar een keal achter met een borrel tevölle op, of kik e soms zonder brille, of hölt e van sensatie of krig e steekpenningen van de Heinose VVV?

Let ie noe ok mar es op want das echt woar, in Heino is altied kolder of wermer dan ens ans. Punt Zie det blukkie op de kaarte.

Groetn gruune Jopie

Wie het weet mag het zeng, misschie weet Ton te Hove dit wel, ma ik weet nie of die wel zo plak dialekt kan lezen .Red.