DALFSEN – Oooooh wat kunnie doar noe heerlijk zittn een bakkie koffie drinkn. Noa al die kolde van de laste wekkn is onze kas, die niet verwarmd wurd deur kachels, puur deur het zonlicht verwarmd en dat schelt zo 10 groadn met buutn woart vandage ok bienoa 10e is .

Onze kas is een olderwetse Venlo Warenhuis en die zijn over de ele wereld gebouwd. Standaard zijn de kappen 3.20 breed en de vakken 3.00 mtr. Bej ons dus 10 vakken is 30 mrt breed en 12 kappn is dus 38.40 laank.

Kweekn doe wej steeds minder, kan nie uut en doarumme hef mien vrouwe een gedeelte ingericht veur heur bedrief woar de toeristen en vakaantiegangers een kuppie koffie met gebakkie kunt etten. Ok de Dalfsenaren maagt natuurlijk kieken en kommen genieten van mien vrouws warme gastvrejheid. De lucht van de plenties en de broeikas brengt oe het veurjoar al in de kop.

Ok dut ze dr heur workshops in ast mut en kan qua temperatuur.

Noe bun ik perongeluk een bettie reclame ant maakn veur mien vrouwe mar dat hef ze ok wel een keer verdiend.  Sie buffelt dr wat of umme een paar centn te verdienn.

Groetn van een freje Jopie