DALSEN –  Ja doar zitte, zie hem bienoa nooit mee.r mar hej zit ant schap bej Willy op de Boskaamp.  Wat een donders mooie markante kop as e toch hef, kan zo op tv met een serie met doene. Ik bun hum erg dankbaar, want hij was ien van mien eerste trainers bej de beste club van Dalfsen. ASC dus.

Ik bun op 7 joarige leeftied begunn te voetballn en mien va dacht, dat hult e toch nie lange vol en voetbalskoen koopn doe wej nie . Kleine Jopie mos dus op de gruune leersies met doene. Doar heb ik mien fabelachtige  traptechniek dan ok met ontwikkeld .

Volgens mej hef toen Barteld (Bert) met de olde Marrinus esprökn en ezegd dat zien zöne wel talent had en voetbalskoen mos hem.

Zogezegd, sie kent menare allemoale en mien va koggen 2e haans skoen van sien collega Willem van de Tippe, denne die noe nog käse verkocht op de markt en vrögger in het käsewinkeltie bej de melkfabriek.

Nou det was ok wat, dr zaten holten neuzen in, volgens mej van een boom uut het steerrenbos. Keihard en ik had altied zere teenn.

Voetbaln doe ik nog steeds met völle skik met dank an oe Barteld !!

Groetn gruune Jopie