DALSEN –  Afgeloopn zundag heerlijk egettn bej Willy bie de Boskaamp. Hej adverteerd met Schweinehakse en die mosse wej dus mar weer es probeern. Die zwarte pannegies op de foto, tussn t ettn, bunt valhelmn en die muj dus op oen kop zettn. Ik dag eerst die Willy wurd ok steeds gekker mar nee is gewoon veur ow eign veiligheid.

Ie mut oe veurstelln dat de Boskaamp vol zit met etters en doar bunt verskillende mensn bej die ok schweinehakse eet. Nooit eweetn mar de traditie is dat ie de bottn över oe scholders weggooit en doar kump et, ie wet nie precies woar aandere mensn zittn. Dus ie kunt prongeluk iemand raakn. Of geraakt wurdn.

Is verder hardstikke mooi want zo now en dan heur ie :  —-kloenk !!! — dan begunt er een stel te lachn en wet ie, ow een valhelmn eraakt deur een buttie.

Willy hef speciaal veur de rommel een dame ant werk, ik kan ff nie op dr name komm. Dus gin enkel probleem ast een bettie rommelig en glibberig is nö tied. Mar ik kan iederiene anbeveeln es een keer dit spektakel met te maakn bie Willy.

Groetn gruune Jopie

Noe mut ik toch emm ingriepn want die groene kikker hef het niet bij het goede ende. Nooit wordt met etten of bott’n gooit door op det adres. Etten muj nooit mee smeer’n. Etten muj gewoon opetten en die bakkies bint gewoon veur de botten, juust umme te veurkomm det ze goat gooi’n. En as Joop Kloenk heurt. dan betekent det de batterie van zin oorpararaat bieno leeg is, of det zin hersens kraakt..

Ma wie kunt dus as het goed begriepe ok gewoon zin winkel inloopn en met vi-eulties gaon gooien? Low ma vestaandig bliem, ie weet det het ollemool gekkigheid is.

Hier heffe dan wel weer geliek in: Hej adverteerd met Schweinehakse en die mos ie dus mar eens probeern.

Red.