DALSEN –  Frejdag hek ant werk ewest met een boomaap. Wat hef die Jopie noe weer zul ie weh denkn. Is een bettie denigrerend mar als ik bej de klant mut zeggn, ik kom langs met een boomvester voor exclusief hoogte klimwerk, dan kiekt ze mej an en zegt ze det de fiancien beperkt bunt.

Doarumme boomaap en den keal knupt zich helemoale vast in een boom en zaagt dan takkie veur takkie drof en die löt e dan an een touw zakkn zodat er ondern de boom niks kapot geet.

Dus as ie een boom naar kurt teegn thuus of skure hebt stoan? Mut ie dr een boomaap in loatn klimmn en dr sneuvelt niks.

As ie ziet hoe denn keal deur die boom flug en op en neer klautert zonder vrees. Is een vak op zich en ie mut mieters oplettn daj oe touw nie raakt met die knetterbiele.

Hej zaagt alles netties in blukkies wat ff eklooft met wurdn en dan kant volgend joar zo de kachel in.

Groetn gruune Jopie