DALSEN –  Kiek noe es, wat ik noe weer teegn kwame.  Bej een klaant an de Stokte hing disse spreuk an de mure. De vrouwe had mien stukkies elezen op dalfsennet en wol nog graag een keer etten met de valhelm op. Sie had zittn huuln van skik en begrep weh dattut humor was mar ik mage Willy toch ok weh een keer de gek anstekkn?

Sie dachen det ik völle verstand van dialect hadde mar tja, ik schrieve gewoon op hoe ik proate en denke. In Oldluusn woont een papierkearl die völle meer verstaand dr van hef dan ik hebbe. Wim hiet e en denn gef zelfs leezingn woar volk op of kump.  Noe ik trek bej lange nö gin völle zalen of ik mut flink trakteern.

Noe, de spreuk, volgens mej ist half dialect want dr stiet: schaa maakt wieser oftewel schade maakt wijzer of door schade en schande wijzer.

Eignlijk had dr dan muttn stoan: schaa mak wieser.

Mieters zak dr dan toch verstaand van krieg?

En Willy, hebbie nie een klein zaaltie woar ik dan een lezing kan holdn?

Hahaha, nee ik heb gin aspiraties en blieve liever in de grond wruutn.

Groetn gruune Jopie