DALFSEN – Zo ik moss een paar kopien hemm en dan goa ik meestens noar de Leeuw kopiedruk opt industrieterrein. Zelf kan ik a4 formaat printn mar de klant mut goed kunn ziene dus doarumme op a3 formaat. Ze bunt doar mieters goedkoop met en ok veur reclamewark kan ik doar altied goed zaakn doene.

D’olde de Leeuw lop ter altied en lacht werkelijk altied, den man hef echt altied skik . Mooi toch?

Zien dochter hef edacht, wej mut meer en breder zaakn doene en kwam Wilko Jan teegn . Disse keal verkocht burdn, vlaggn, kleding en nog volle meer woar reclame op stiet. Oen eign reclame natuurlijk, hej werkt onder de name printhuus, noe en printn dat dut e.

Kleinkind van de Leeuw hef een handeltie in haann, dat bunt van die mannelijke kippn, die legt gin eier.

Ik heb noe al twee van die haann van hum ehad. Den eerst hadde wej Harry enumt. Op evrettn deur een stienmarter. Den tweedn hebbe wej mar Harry junior enumd want was de zunne van Harry tenslotte. Ok zo’n mooi rood haantie. Nou den hef 2 wekkn rond ehuppelt en ekukelt. Ok opevrettn deur de stienmarters.

Ik had ok nog mien jasse kapot en vreug hum woar ik terecht konne met mien klacht . Tja een klachtenafdeling hadden ze niet want ze hadden eigenlijk nooit klachten. Wilko Jan kan gin dialect.

Wel heel apart , veur zo’n bedrief met zo vulle opdrachtgevers , vund ik eignklijk .

Overal giet er wel ens iets fout , dus woarumme doar nie ?

Ma goed , ik had mien A3 en dus richting de deure , zie ik doar een burtie an de kantn hangn !!

ja noe begriep ik et .

groetn gruune Jopie